Vrydag 25 September
Aankoms & informele kuier
Vanaf 14h00
Doringrant Trou Venue
Bring swemklere, handdoek, eie vleis, drank en ’n kampstoel. Bykosse word voorsien.
Ons Storie
Hoe Het Ons Ontmoet
Net ná COVID in November 2020, toe die wêreld stadig weer begin asemhaal het, het ons paaie onverwags gekruis. Ek was nog besig met my finalejaar-eksamen toe my pa my binne een uur drie keer bel — elke keer met dieselfde boodskap: daar wag ’n baie “oulike meisie” by Toutrek Park, en ek moet kom. Ek was oortuig hulle wil eintlik net saam my 'n bier drink, maar ek het uiteindelik besluit om tog te ry en saam hulle 'n bier te geniet. Daar, om die hoek, het Nina gestaan. Stil, geduldig… en ongelooflik mooi. In daardie oomblik het iets eenvoudig begin wat baie meer sou word. Ek het saam na haar kar toe gestap en, vir die eerste keer in my lewe, genoeg moed bymekaar geskraap om vir haar nommer te vra. ’n Week of twee later het ons vir koffie ontmoet — en wat bedoel was as ’n kort afspraak, het ure se gesprek geword. Die res, soos hulle sê, is geskiedenis.
Ons Gunsteling Plek
Van die begin af het ek en Nina nog altyd 'n liefde vir die natuur gedeel. Ons is mal oor Dullstroom se berge, die diere en lewe van die Kruger Wildtuin en die see-lug en fynbos van Betty's Baai. Of dit nou berge, woude, die see of oop veld is — enige plek waar die natuur op sy mooiste is, is vir ons tuis.
Die Verlowing
Een van ons gunsteling plekke, Dullstroom, het die perfekte agtergrond geword vir die volgende hoofstuk. Op die rug van ’n perd (Nina se droom), tussen die rustige landskap en vars lug, het ek die vraag gevra. En wel... ons trou!